cumenti-bogai-a-foras-su-petroliu-de-sa-pallamarina

Su biopetroliu de sa pallamarina. Una storia tota sarda po cumbati is emissionis chi fainti mali. Giovunus ricercatoris de Polaris e de s'Universitadi de Casteddu funti traballendi po sfrutai is opportunitadis meda mannas donadas de sa micropallamarina po sa produtzioni de su biocarburanti: in un’insula de medas annus terra po sa sperimetatzioni de energias diferentis. Totu su mundu est traballendi po fai energia diferenti. Su petroliu esta arribau a costai meda e s'inquinamentu est sempri prus perigulosu. Is emissionis de anidride carbòniga (sa combustioni de is fòssilis est sa prima risorsa energètiga) anti postu is potentzias mannas mondialis inantis a su problema.

Su scopu de su pianeta est su “20- 20-20”: chi bòidi nai arribai a su 20 % de sa produtzioni energètiga cun is mitzas rinnovabilis, a meliorai de su 20 % s'efficentzia e a segai su 20 % de is emissionis de anidride carbòniga. E totu custu inantis de su 2020. Di aici puru in s'Isula unu grupu de ricercatoris si 'n c'est postu a traballai e adi criàu unu procedimentu po fai su biopetroliu de s'anidride carbòniga bogàda de sa pallamarina. Sa fabrica chi faidi custu est sa Biomedical Tissues, chi s'acàttada in su Parcu scientìfigu e tecnològigu de Polaris a Pula, adi arregistrau su brevetu europeu “Process for bio-oil production which makes use of carbon dioxide”. Su procedimentu po sa produtzioni est complicau. Pàtiri de s'impiegu de micropallamarina po 'n di bogai a foras su biopetroliu. Di aici si poidi fai puru biocarburanti cumenti su biodiesel, su carboni birdi e is “turtas residuas”. Si pointi fai puru compostus chi si pointi impreai cumenti materia prima po s'industria alimentari, biomedicali, cosmètiga e zootècniga.

Sa B.T. Srl trabàllada imparis cun cu grupu de ricerca coordinau de Giacomo Cao de s’Ateneu casteddaiu. Segundu su professori sa micropallamarina presèntada vantagius a diferentzia de is prantas traditzionalis impreadas po is biocarburantis, cumenti sa prama e su cabìscu. Custas prantas ainti una produttivitadi annuali de biocarburanti de 3-5 tonnellatas mentris sa micropallamarina arrìbada a 250-300 tonnellatas s’annu, cun tempus de prima collìa detzisamenti prus crutzas (60-90 dìs cuntra a is 30-36 mesis de is traditzionalis). De sa combustioni si poidi puru aciapai is emissionis po fai produìdus arrefùdus chi si pointi impreai torra, cosa chi nun si poidi fai cun is prantas traditzionalis. S’artra novidadi targàda Sardigna a pitzus de sa diminutzioni de is emissionis est s'istudiu de sa “fattibilitàdi de s'aciapa de sa co2 de unu impiantu de Integrated gasification combined cycle” chi bòidi cicai de abasciai sa perigulosidadi de is emissionis, aciapendi s’anidride carbòniga produìda in is impiantus de gassificatzioni de su carboni.

Traduzione a cura di Cesare Giombetti