“Semus satisfatos chi siat istadu oe pro sa detzisione de definire un’acòrdiu tra sindacados e azienda, cun su patrotzìniu de sa Regione, pro cumpartzire critèrios prioritàrios e règulas de arruolo in sas assuntziones”.
L’at naradu su segretàriu generale de sa Cgil Micheli Carrus a s’acabbo de sa riunione cun Regione e Sider Alloys agiunghende chi “sa prioridade depet èssere pro is traballadores de s’istabilimentu Alcoa lissentziados in nadale 2014, de resùmere cun su cuntratu de s’indùstria metalmecànica.
Su segretàriu Cgil sutalìniat chi “s’obietivu de su sindacadu est torrare a traballare in sa sa fàbrica. Su segretàriu de sa Fiom Sulcis-Iglesiente Robertu Forresu at sutaliniadu chi
“cuddu de oe est istadu unu cunfrontu de importu pro ite registrat unu nou puntu positivu de partèntzia in sas relatziones industriales a pustis de una fase dudosa chi isperemus siat superada”.
