Eris, su flashmob at simuladu s’isbarcu de immigrados in sa marina de S.Caterina, organizadu dae su sìndigu de Sèneghe, pro manifestare solidariedade a sos immigrados chi isbarcant in Itàlia, a sa presèntzia de s’europarlamentare de su Partidu democràticu, Renato Soru. E oe at balangiadu sa reatzione de Giorgia Meloni, presidente natzionale de Frades de Itàlia: “Carchi sìndigos ant simuladu un’isbarcu de is migrantes in sas costas sardas pro fàghere cumprendere a sa gente su tema de s’acasàgiu e de su ratzismu. Nois de Frades de Itàlia imbetzes amus organizadu un’isbarcu simbòlicu pro una àtera forma de ratzismu: cuddu de sas polìticas contra sos disocupados, antzianos e pensionados italianos”.

Est intervènnidu fintzas Salvatore Deidda, deputadu sardu de FdI, chi aiat ammentadu a sos organizadores chi “in sas marinas sardas arribbant solu immigrados algerinos e isbarcant tochende sa terra a pustis de oras de navigatzione, non comente ant fatu bìere sos Sìndigos e Soru”.