Sunt istadas suspèndidas notesta e ant a torrare a cumintzare oe sas chircas de Nicola Santichiello, 37 annos, su pastore de orìgines campanas ispèrdidu dae eris in sas campagnas de Murera (Sud Sardigna).
S’ùrtima furriada s’òmine fiat istadu bidu a sas 17.30 de eris in localidade Bau Arena, acanta a su terrenu cosa sua, in s’ala a monte de su riu ‘Sa Figu’, durante su tempus malu chi at interessadu totu su Sàrrabus. Inoghe sunt cuntzentradas sas chircas: partètzipant 30 tècnicos de sas stazio-speleo e alpina de Casteddu e Igrèsias. Sunt istados impreados fintzas unu drone e duas unidades de canes, pro cumpudare sas ispondas de su cursu de abba.
