Primu interventu de s’elisocorso in foras de Sardigna. Su s’aèreu de Terranoa est intervènnidu pro sucùrrere unu pipiu cun sìndrome de allupo. No essende in Sardigna sa Rianimatzione pediàtrica, s’elicòteru – subra recherta de su repartu Rianimatzione de Terranoa e in manera pronta autorizadu dae sa diretzione Areus – at trasferidu su minore a Alessàndria, a s’Ispidale pediàtricu “Cesare Arrigo”.
Su mesu est partidu dae Terranoa a sas 14,17 e est torradu pagu a pustis de sas 19.30. Pro non lassare iscobertu su servìtziu, s’agèntzia Areus at dispostu su trasferimentu de Casteddu a Sòrgunu. In deretura a pustis de s’elisocorso est intervènnidu a Bosa, pro posca torrare a sa base de Casteddu a sa torrada de s’elicòteru de Alessàndria.
