Naschet in su cussìgiu cumonale de Cuartu Sant’Aleni (Casteddu), sa de tres tzitade de sa Sardigna pro nùmeru de abitantes, unu grupu contziliare formadu de sole fèminas.
Chiara Pili, elègida cun su Pd, Valeria Piras, de sa lista Sardigna Vera, e Marcella Marinos (Riformadores sardos) ant detzìdidu de unire sas fortzas e pònnere a pare in su grupu ‘Oe est cras’, pro cuntrastare sa chi definint sa “situatzione drammàtica chi bias oe sa polìtica de Cuartu, frenada e belle imboligada de tropu tempus de unu immobilismu lègiu”.
“Bolimus èssere comente a guardianas”, annùntziant sas de tres cussigera, “chi ant a valutare de bia in bia cun ispìritu crìticu e atentu estremu ogni atu chi at a bènnere propostu a su Cussìgiu. Nch’amus a fàghere promotoras e portaboghes de sos bisòngios e de sas prioridades de sos tzitadinos ant a batire a s’atentu nostru”.
