Sa cunventzione pro s’isvilupu de su registru Tumores firmada dae Ats e Dipartimentu de Epidemiologia de sa Regione Lazio depet èssere annullada. Lu pedint cun un’ interpellanza a su presidente de sa Regione, Francesco Pigliaru, e a s’assessore a sa Sanidade, Luigi Arru, ùndighi cussigeris de majoria e opositzione. Su documentu est sutascritu dae Emilio Usula (Rossomori), Annamaria Busia (Tzentru democràticu), Francesco Agus (Campo Progressista), Raimondo Perra (Psi), Daniele Cocco, Paolo Zedda e Luca Pizzuto
(Arte1-Mdp), Roberto Deriu e Daniela Format (Pd), Angelo Carta (Psd’Az) e Gianni Lampis (Frades de Itàlia).
“In Sardigna sunt giai operativos duos registros tumores subra base locale, a Nùgoro e a Tàtari – afirmat su primu firmatario Emilio Usula – ambos sunt acreditados a livellu natzionale e internatzionale, non si cumprendet subra cale base s’Ats apat detzìdidu de istipulare una noa cunventzione cun un’istrutura extraregionale”. “Anziché firmare onerosas cunventzionas diat èssere prus oportunu pònnere sos duos registros sardos de Nùgoro e Tàtari in sas cunditziones de traballare costituinde fintzas su registru pro sa Sardigna meridionale – incalza Usula – sa giustu depet èssere sa creatzione de unu mollu federadu, in manera diversa s’arriscat de pònnere in èssere duas fainas parallelas chi diant pòdere intrare in cuntierra”. Duncas, torrat a nàrrere su cussigeri de majoria, “Pigliaru e Arru s’avvalgano de sos poderes issoro sostitutivi e annullent sa cunventzione”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
