Sa Corte de sos Conti brigat a sa Regione pro sa propassada de sos coberturas de gastu pro s’achistu de aparatos mèdicos (protesi, vàlvolas, etc.) chi rapresentant su 33% de sos costos sustentados in s’Ìsula pro sas fruniduras de benes sanitàrios.
“Dae s’esàmene de sos datos disponìbiles e dae s’analisi tra sas vàrias fontes informativas istupat chi su gastu complessivu regionale pro dispositivos mèdicos est superiore a sas coberturas programmadas e in tendenziale crèschida in sos ùrtimos esertzìtzios”, at ispiegadu sa cussigera de sa Setzione Controllo de sa Corte de sos Conti de sa Sardigna, Lucia De Ambrosio.
Sa cussigera at notadu su “disallineamento de sos datos collidos e elaborados pro mèdiu de sas diferentes tipologias. Sa Regione resurtat no àere respetadu sa cobertura in totus sos esertzìtzios esaminados” faghet ischire su giùighe De Ambrosio.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
