“Unu passu importante pro creare una cunvergèntzia a beru aberta a totus sos indipendentistas, sena pregiudìtzios ideològicos, ma ponende a su tzentru sa defensa de sa cultura e sos riellos de sos sardos”.
Gai su segretàriu de ProgReS-Progetu Repùblica, Gianluca Collu, a pustis de s’atòbiu cun sos militantes de Unidos e su leader Mauro Pili e Giovanni Columbu (giai segretàriu e presidente de su PSd’Az) in bista de sos imbenientes apuntamentos eletorales. “Su puntu de cuntatu prus significativu cun Unidos – at ispiegadu Collu – est istadu individuadu in su s’èssere opostos a sos poderes chi blocant s’isvilupu de s’ìsula nostra e chi, in manera parallela, sustentant sas campagnas eletorales de sas listas italianas”. Sa punna de Progres, sutalìniat su segretàriu, “est cudda de unire chi est consapevole chi sos riellos de s’Itàlia e de sa Sardigna sunt opostos. Sa contrapositzione est neta: sos difensores de sa Natzione Sarda contra sos amministradores de sa sudditanza nostra”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
