Ok definitivu a su pranu regionale de sa Mobilidade Ciclistica chi at superadu s’ùrtima fase de s’iter cun s’ok de sa Giunta, subra proposta de s’assessore de sos Traballos Pùblicos Edoardo Balzarini.
“Cun s’aprovatzione de su pranu, subra cale sa Regione est investinde 15 milliones de èuros – narat s’assessore – at a èssere possìbile pigare sos finantziamentos europeos e natzionales netzessàrios a sa realizatzione de sos 52 itinerari prevìdidos, pro una longària totale de 2.649 km, de cale 550 km ìntegrant sa modalidade bici e trenu. Un’ infrastrutura istratègica, – sighit su titulare de sos Traballos Pùblicos – chi at a torrare sa Sardigna percorribile in bitzicleta creschende una mobilidade a beru sostenibile, integrende in manera majore sos territòrios.
S’assessoradu de sos Traballos Pùblicos creet in manera firma in custu percursu – concruit Balzarini – incumentzadu in su 2015, cando sa Regione at reconnotu sas ciclovias e sa mobilidade ciclistica tra sos fatores istratègicos in sa pianificatzione de sas infrastruturas prioritàrias pro s’Ìsula”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
