Posca chimbe dies de apretu ìdricu, a Bosa sa situatzione est torrende a bellu a bellu a sa normalidade. Su guastu chi aiat lassadu totu sa tzitade e sos suos 9mila abitantes sena abba est istadu in fines acontzadu e Abbanoa at pòdidu ripristinare su servìtziu in sos
bighinados de sa tzitade bassa.
Pro chi abitat in s’ala arta de sa tzitade sos discumbènios ant a sighire, imbetzes, finas a sàbadu pro ite bisòngiat abetare chi sos serbatojos si prenent finas su màssimu livellu. “Pro arribbare a custu resurtadu – ispiegat Abbanoa – at a èssere netzessàriu protzedire a un’interrutzione noturna de su servìtziu in totu sa tzitade de sas 22 a sas chimbe”.
“Sos nostros operadores ant traballadu die e note pro ripristinare su servìtziu s’in antis possìbile”, at assiguradu su diretore de sos Abbanoa Sandro Murtas.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
