Paret bighina s’intrada a s’internu de Laore de sos traballadores de s’assòtziu regionale
de sos allevadores de sa Sardigna (Aras). Su servìtziu essentziale de assistu in zootecnia, gestidu finas a oe in cunventzione cun s’Aras diat colare, segundu una muda normativa cumpartzida oe tra Regione e Guvernu, a s’agèntzia sarda in aplicatzione de sa lege regionale 3/2009 aberende fintzas su caminu a sas protzeduras a evidèntzia pùblica pro sos traballadores de s’Assòtziu regionale allevadores no interessados dae sa matessi lege 3.
Est cantu istupadu dae s’atobiu tra sa Regione, cun sos assessores de sos Afares Generales e de s’Agricultura Filippo Spanu e Pier Luigi Caria, e Guvernu, cun sos ministeros de sa Funtzione Pùblica e de s’Economia e sa Ragioneria de su Bistadu, aende·si riunidu
a Roma.
In su testu definitivu, chi at a torrare a bènnere cumpartzidu dae sas alas pro iscritu in sas imbenientes oras, su Ministeru de s’Economia e de sas Finàntzias s’est riservadu unu pàrrere finale chi at a espressare in s’arcu de pagos dies.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
