B’at giai un’istratzo in sa coalitzione de tzentrumanca chi at in pessu chi individuadu su candidadu suo pro sas eletziones suppletiva. Su Tzentru Democràticu no at a Sustentare Andrea Frailis in bista de sas polìticas bis de su 20 ghennàrgiu. “Istimo e connosco de tantu tempus Frailis, ma agato inaccettabile su mètodu impreadu pro individuare su nùmene”, ispiegat a s’Ansa sa moderadora de su partidu in Sardigna, Anna Maria Busia.
Mèrcuris sa cussigera regionale at leadu parte a sa mesa riunida pro agatare una figura “capatze de rapresentare unu perìmetru meda ampru, mancari de l’allargare, e in manera possìbile no iscrita a carchi partidu”. A beru Frailis non tenet tèssere. Ma, pretzisa Busia, “oe est istadu pedidu a cale grupu diat aderire su giornalista in casu de vitòria”. Sa risposta est istada: “A su Pd”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
