Sa Regione Sardigna si mobìlitat in dae in antis a s’apretu de sa moria de sa Pinna nobilis, corfida dae unu protozou chi est deghinende sas populatziones, e ponet 200mila èuros pro aprofundire s’istùdiu de su problema. A pagos dies de distàntzia, sa Giunta regionale at difatis aprovadu cantu annuntziadu in su cursu de sa Prima cunferèntzia regionale de sas àreas amparadas, su 10 de su mese de nadale a su S’Alighera, dae sa matessi assessora de sa Defensa de s’Ambiente Donatella Spano.

“Amus averguadu, cun su Servìtziu tutela de sa natura e polìticas forestales de s’Assessoradu, sas Àreas Marinas Amparadas e su servìtziu tècnicu de s’Arpas, chi sa situatzione est in manera piessigna crìtica e su tassu de mortalidade allarmante” – ispiegat Donatella Spano. “Amus detzìdidu de tènnere in suta de osservatzione su fenòmenu”.

Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018