Sunt belle chimbe milliones de èuros sos disacatos causados dae sa temporada de mèrcuris a sas atziendas agrìculas. Est una prima istima fata dae sa Coldiretti de Casteddu.
“Est unu nùmeru partziale, in agiornamentu” narat su presidente de Coldiretti Casteddu Giorgio Demurtas chi ammentat chi àncora non si tenent novas de su pastore iscumparsu in su sartu de Murera. “Sos disacatos sunt graes e no est possìbile nd’istabilire s’entidade in pagos dies. Bastat solu nàrrere chi belle 20 allevadores de mèrcuris non arrenneschent a arribare a sos pròpios oviles e no ischint si ant a agatare totus sos animales”.
Sos comunos corfidos sunt mescamente cussos de Cabuderra, Uda, Assèmini e Sestu in su bassu Campidanu ue sa fortza de s’abba at fèrridu caminos ecampos coltivados. Medas disacatos si registrant fintzas in su Sarrabus, e in piessignu in sos Comunos de Santu ‘Idu, Murera, Castiadas e Bidda de Putzu.
Carchi bìngias, ue pro fortuna fiat acabada la binnennat, sunt istadas allagadas e ant a dèpere èssere limpiadas, calicuna at subidu fintzas disacatos istruturales.
