Sa Regione Sardigna at incumentzadu sas operatziones de tzensu de sos disacatos causados dae s’alluvione de su 10-11 de su mese santugaine 2018 pro determinare sas risursas chi serbint pro remediare a sos disacatos e pedire su dinari a su Guvernu cun s’ativatzione de su Fundu pro sos apretos natzionales.
Intro su 19 de su mese de santugaine sos Comunos ant a dèpere istimare sos disacatos causados a infrastruturas e immòbiles pùblicos. Intro sa matessi data ant a dèpere èssere frunidos sos primos indicos in su nùmeru de domos privadas, faina econòmicu-produtivas e agrìculas iscalabrades in su territòriu de su comunu de Casteddu.
Su Comunu at ativadu una casella de posta eletrònica: (gestione.apretu@comunu.cagliari.it) pro s’iscumputu de su nùmeru de fainas e immòbiles privados corfidos.
In sa mail ant a dèpere èssere ispetzificados nùmene e sambenadu de su propietàriu de sa domo, resone sotziale de s’impresa, ubicatzione de s’immòbile o de sos benes e atretzaduras.
Isceti a pustis de chi su Guvernu at a decrarare s’istadu de apretu natzionale at a èssere fatu su reconnoschimentu de sos disacatos subidos.
