Una chentina de istudiantes ant protestadu custu mangianu in Casteddu pro manifestare contra a su Guvernu e in piessignu contra a sas polìticas in matèria de iscola e de seguridade.
Sa manifestatzione de oe est istada promòvida dae sos printzipales movimentos de istudiantes de sa tzitade – in piessignu dae su Fronte della Gioventù Comunista e dae s’Unione degli Studenti – chi, in paris cun àteras mobilitatziones in totus sas printzipales tzitades italianas, ant annuntziadu batalla “pro smascherare su guvernu, chi in s’iscola si diat pònnere in continuidade cun su passadu, dimustrende de no èssere fautore de carchi mudada e de disconnòschere sos problemas beros de sos istudiantes”.
“Sas iscolas nostras sunt sas chi oras esigint una mudada bera e radicale pro trasformare sa chi esistit – afirmat Fabio Tidili de s’Uds Casteddu. Aberremmos sos ispàtzios nostros, sas àulas nostras, sas letziones nostras, sas assembleas nostras a sa mudada”.
