S’Agèntzia natzionale pro sas erogatziones in agricultura (Agea) at firmadu eris sero unu decretu nou de pagamentu de unu millione de èuru destinadu a su cumpartu agro-pastorale sardu. Sas risursas ant a serbire a satisfàghere 966 dimandas presentadas pro sa Medida 13 de su Programma de isvilupu rurale (PSR) in s’Indennidade pro sas aziendas assetiadas o in zonas sugetas a vìnculos naturales o a unos àteros vìnculos dillindados. In sas ùrtimas duas chidas, Agea at lissentziadu decretos de pagamentu, pro su cumpartu sardu, de ultres 74,5milliones de èuros. Su PSR est finantziadu a su 48% de risursas de s’Unione europea, a su 36,4% de economias natzionales e pro su 15,6% de sa Regione Sardigna.

Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018