Avisu de congruida iscumbata pro 12 pessones interessadas in sa maxi inchesta intre residentes e unu grupu de migrantes chi su 27 de su mese de santugaine de su 2017 aiat iscadenadu su caos in su bighinadu pobulare de Santa Maria de Pisa, a Tàtari.

Su provedimentu de su sustitutu procuradore Angelo Beccu est istadu notificadu custu mangianu dae sos agentes de s’iscuadra mòbile de sa Cuestura tataresa a sos 12 indagados, tra italianos e istràngios. A unu de issos est istadu cuntestadu fintzas su portu ingiustificadu de una roncola. Unos àteros ses, totus tataresos, sunt acusados de violèntzia privada in cuncursu pro àere agredidu su responsàbile de su tzentru de acasàgiu Pime, in ue fiant acasagiados sos migrantes, corfinde cun carchinas e ogetos sa vetura subra cale biagiaiat.

Sos iscontros fiant tzocados un’annu faghet in pratza Dettori, ue si fiant fronteggiados cun ampullas, cadenas e fustes duos grupos de una trentina de persones.