Fortza Paris at annuntziadu oe s’intrada in sa coalitzione de tzentrudestra, chi s’est atobiada custu mangianu in Illorai (Tàtari) in bista de sas eletziones regionales de su 2019 in Sardigna.
“Amus batidu in custa mesa sos puntos prus significativos de su programma nostru, pro ite creimus chi pro cambiare sa Sardigna tocat a s’impinnare pro otènnere una prena continuidade territoriale, sa zona franca, infrastruturas e traballu”, referit su presidente de su partidu, Gianfranco Scalas, generale de sa Brigata Sassari in pensione. “Dare prena atuatzione a s’istatutu sardu. Creimus chi in custu momentu una coalitzione chi tenet s’ambitzione de ghiare sa Sardigna si depit cuntzentrare subra propostas e programmas in antis àncoras chi subra nùmenes e cadiras, pro ite sos Sardos pedint discontinuidades, coràgiu e seriedade dae chi los at a guvernare”.
