Su Cussìgiu regionale de sa Sardigna e su sìndigu de Casteddu si mobìlitant pro defendere sos 650 dipendentes de Tiscali su cale benidore, a pustis de sa tzèdida de sas fitianias 5G de s’atzienda dae Sa Illetta a Fastweb, est a arriscu.
In piessignu, durante un’atobiu cun sos sindacados, sa cummissione Traballo de s’Assemblea sarda presidida dae Piero Comandini (Pd) s’est impinnada a intervènnere cun sa Giunta pro leare parte a sa riunione de su 20 de su mese de santandria a su Mise.
Si faghet sentire cun Roma fintzas Massimo Zedda, su sìndigu de Casteddu. “Sa situatzione de sos traballadores in dificultades est preoccupante – decrarat su primu tzitadinu – est netzessàriu totu su remenu de su Guvernu, de sa Regione, de Tiscali e Fastweb pro faghere in modu chi ogni evolutzione de sa tratativa tra sas aziendas previdat sa salvaguàrdia de totus sos traballadores”. “Tocat ammentare – agiunghet Zedda – chi sas fitianias tzèdidas funtzionant in regìmene de pròroga in virtude de un’acòrdiu chi previdet pròpiu su mantenimentu de sos livellos de occupatzione in su territòriu”.
